Matseðill – desember 2016

Hér kemur matseðill fyrir desembermánuð.  Verði ykkur að góðu.

Matseðill-desember-2016.pdf

29.nóvember 2016|

Danssýning

Við erum svo lánssöm að nemendur Hrafnagilsskóla fá dansþjálfun í öllum bekkjum. Á haustönn eru það nemendur 6. – 10. bekkjar sem sækja danskennslu hjá Elínu Halldórsdóttur danskennara og á vorönn taka nemendur 1. – 5. bekkjar við.
Þriðjudaginn 22. nóvember var haldin danssýning í íþróttasal skólans þar sem nemendur sýndu dansana sem þeir lærðu í haust. Hér má sjá myndir frá sýningunni og þökkum við Elínu og nemendum fyrir þessa glæsilegu sýningu.
24.nóvember 2016|

Þemadagar í Hrafnagilsskóla

 

20161111_110459Í nóvember ár hvert eru þemadagar í Hrafnagilsskóla og lýkur þeim með hátíð á Degi íslenskrar tungu þann 16. nóvember. Í ár var unnið með þemað fjölmenning. Nemendur unnu í aldursblönduðum hópum innan hvers stigs og verkefnin voru fjölbreytt. Nemendur á yngsta stigi fjölluðu um ólíkar þjóðsögur, trúartákn, þjóðbúninga og bökuðu sænsk Lúsíubrauð. Einnig fengu allir nemendur að skoða og smakka framandi ávexti og lykta af alls konar kryddum. Foreldrar frá Færeyjum, Þýskalandi, Hollandi og Svíþjóð komu í heimsókn og sögðu nemendum frá menningu og siðum frá sínu heimalandi.

Nemendur á miðstigi unnu með fjölmenningarlegar spurningar og kannanir á meðal nemenda. Einnig elduðu þeir súpu frá Litháen og eplaskífur frá Danmörku. Nemendur 7. bekkjar lærðu um Bólu-Hjálmar og æfðu upplestur á ljóðum hans. Eftir áramót munu 7. bekkingar keppa í Stóru-upplestrarkeppninni og undirbúningur hófst á þemadögum.

Á unglingastigi var unnið með spil og leiki frá ýmsum löndum, tónlist og kvikmyndir alls staðar að úr heiminum og einnig unnu nemendur verkefni um ólíka menningarheima.

Undir styrkri stjórn Maríu Gunnarsdóttur tónmenntakennara lærðu allir nemendur lagið Í réttu ljósi úr Ávaxtakörfunni eftir Þorvald Bjarna Þorvaldsson. Einnig lærðu allir nemendur rússneskan dans sem heitir Trojka.

Þetta voru mjög skemmtilegir dagar bæði fyrir nemendur og starfsfólk. Markmiðið var að auka víðsýni og virðingu, efla samhygð og fræðast um ólíka menningarheima.

 

18.nóvember 2016|

Danssýning

Senn lýkur danskennslu hjá nemendum í 6.-10. bekk í Hrafnagilsskóla. Af því tilefni verður danssýning í íþróttahúsi skólans þriðjudaginn 22. nóvember milli kl. 13:15 og 14:00. Þar sýna nemendur hvað þeir hafa lært undanfarnar vikur hjá Elín Halldórsdóttur danskennara.

Allir hjartanlega velkomnir.

18.nóvember 2016|

Matreiðslubók Hrafnagilsskóla

Á þemadögum bjó miðstigið til fjölmenningarlega matreiðslubók. Þar má finna uppskriftir frá hinum og þessum löndum, allt frá dönskum eplaskífum til súpu frá Litháen. Á tenglinum hér fyrir neðan er hægt að skoða þessa skemmtilegu matreiðslubók.

Matreiðslubók Hrafnagilsskóla

 

16.nóvember 2016|